Употребата на синтетички препарати во органското производство не е дозволена и затоа во практиката употребата на „домашни“ природни пестициди е сè поприсутна и производителите често самостојно произведуваат докажани и ефективни алтернативни пестициди.
Овој пат ви претставуваме инсектицид направен од лута пиперка за контрола на смрдлививата бубачка и други инсекти:
Исечкајте 100 гр лута пиперка, истурете 1л вода и варете ја еден час во поклопен сад. Оставете ја течноста да отстои 2 дена и потоа употребете ја. За третман се користат 100 мл од препаратот на 10 литра вода.
Домашниот солзавец од лута пиперка е исклучително ефикасен за одвраќање на штетниците – потребни ви се 3,5 литри вода, 3 лажици иситнета или мелена лута пиперка и две лажици детергент за миење садови.
Може да се подготви и на ладен начин: измешајте ги состојките и оставете ја смесата да отстои 36-48 часа, а за топол начин на подготовка: загрејте ја водата да биде топла, но не зовриена, додадете ја пиперката и оставете ја смесата да отстои 24 часа.
Откако ќе отстои препаратот, потребно е да се процеди, разреди и да се употреби. Разредувањето со вода е неопходна фаза во употребата на овој препарат, бидејќи концентрацијата на капсаицинот во пиперката е толку висока што може да ги оштети култивираните растенија. Препорачана доза е 20 мл од препаратот / 1 л вода со додаток на детергент за садови кој помага производот да се „залепи“ за растението и да остане на него неколку дена.
Извор: Агросовет
