Доколку и Вие сте дел од мала или средна компанија од прехранбената индустрија со потенцијал за извоз на производите, и би сакале да научите нешто повеќе за извозот, предизвиците со кои се среќаваат искусните извозни компании, потребните стандарди, начините на финансирање и осигурување на извозот, начини на вмрежување и истражување на странски пазари и вклучување во големите синџири на снабдување, ние го имаме одговорот за Вас!
Врвни професионални експерти во областа на извозот и поддршка на извозот ќе дадат свои анализи, мислења, но и решенија за предизвиците со кои се соочуваат македонските компании од прехранбената индустрија на еднодневната обука/работилница што ќе се одржи на 14.10.2022 година.
Експерти како г-дин Љупчо Велески, извозен директор на Витаминка, г-дин Дарко Стефановски, претставник од Македонска Банка за Поддршка на Развојот, Кристијан Балески и Дарко Заев, претставници од МАМАС брендот, и уште неколку други говорници ќе ги споделат своите искуства.
На обуката ќе имате единствена можност да слушнете за новите трендови во FMCG индустријата во светло на глобалната економска криза, на кои ризици и опасности се изложени македонските компании од прехранбената индустрија во нивните интернационални активности, како да се адаптираат, што да менуваат и каде да ја бараат својата шанса во овие предизвикувачки времиња. Поради ограниченоста на ресурси на македонската мала и сеуште неинтегрирана национална економија, во вакви екстремно тешки услови македонските мали и средни претпријатија од прехранбената индустрија се оставени практично сами на себе и на глобалниот пазар се во директен натпревар со компании од развиените земји кои имаат масовна институционална поддршка. Се прашувате, како да се успее во вакви услови и на крајот да се излезе како победник.
Бизнисите се движат кон глобализација, но за да бидат конкурентни на другите пазари, ќе треба да покажат ниво на адаптација засновано на локалните регулативи, искористување на локалната соработка и поддршка на локалните заедници и покажување општествена одговорност. Ова се само дел од прашањата кои ќе бидат одговорени на претстојната обука.
Повеќе за обуката може да видите на следниот линк ( https://exportacademy.io/izvoz-na-msp-od-prehranbenata-industrija/ )
***
Обуката е организирана од Export Academy by Matrona Consulting, професионална и научна организација во Северна Македонија која се занимава со извоз и интернационализација на македонските компании, користејќи ги во пракса потврдените професионални искуства на врвни експерти, научни истражувања, вмрежувања и соработка со авторитетни индустрии од странство.
Matrona Cons е консултантска компанија која работи на интернационализација на бизнисот, развој на стратешки компании и извозни образовни програми на МСП во регионот на SEE/Балкански регион (www.matronacons.com и www.exportacademy.io) со канцеларии во Скопје, Белград и Љубљана. Matronа Cons е ексклузивен застапник за неколку водечки брендови како RGX – глобален извозен експерт, меѓународна компанија за бизнис консултантски услуги со присуство во повеќе од 60 земји (www.rgxonline.com) и Export-Akademie Baden-Württemberg од Германија (www.eabw.org/en/) организација за обуки и консултации со фокус на зелените технологии и дигитализација повеќе од 35 години.
