Водостојот на повеќето реки во земјава денеска е повисок во однос на вчерашниот ден.
Исклучок е Вардар кај Велес, каде што нивото денеска е за 10 сантиметри пониско во однос на вчера, но, сепак е во рамки на просекот за март.
Според денешните мерења на Управата за хидрометеоролошки работи, за речиси 30 сантиметри е зголемен водостојот на Црн Дрим кај Ложани и денеска изнесува 185 сантиметри. Просекот за март за ова мерно место е 127 сантиметри. За 30 сантиметри е зголемено и нивото на водостојот на реката Струмица кај Ново Село и изнесува 150 сантиметри, а просекот за овој месец е 138 сантиметри.
Нивоата на езерата се во рамки на мартовскиот просек, со исклучок на Дојранското каде што нивото е за три сантиметри повисоко од просечното.
Извор: МИА
