На брегот на Преспанското Езеро, денеска министерот за земјоделство, шумарство и водостопанство Арјанит Хоџа, му го врачи договорот на новиот концесионер „Преспафиш“, за вршење стопански риболов на риболовното подрачје Преспанско езеро, како и за организирање рекреативен риболов, на рекретативната зона Преспанско езеро.
Со доделувањето на концесијата ќе се овозможи заштита на рибниот фонд во риболовната вода, како и негово економско користење на одржлив начин. Концесионерот ќе треба да работи на риболовната основа, согласно одредбите од Законот за рибарство и аквакултура и најодговорно да ги спроведува обврските утвредени во договорот за концесија.
Како концесионер за стопански и рекреативен риболов, Преспафиш ќе биде должен да организира рибочуварска служба, преку лиценцирани рибочувари а како обврска во делот на рекреативниот риболов, ќе се грижи за обновување на рибниот фонд преку редовно порибување на риболовната вода.
-Преспанското Езеро претставува важно водно живеалиште и прогласено е за споменик на природата. Имаме должност да го зачуваме за идните генерации – изјави министерот Хоџа.
