Правилата за органско одгледување животни во ЕУ ќе бидат заострени од 1 јануари 2022 година, а најстрогите се однесуваат на одгледувањето живина.
По едногодишно одложување, Европската еколошка регулатива поставува правила до кои компаниите и земјоделците мора да се придржуваат за да можат да се нарекуваат органски.
Ханс Фуш, лидерот на проектот „Знаење и иновации“ од Bionext, за Nieuweoogst објаснува дека овие регулативи на европско ниво овозможуваат фер меѓународна трговија.
Претходните прописи на ниво на ЕУ се применуваат од 2010 година, а во 2018 година беше објавена регулатива која ќе стапи во сила на почетокот на 2022 година. Со неа се заоструваат и се дополнуваат постоечките правила.
Најголеми промени во живинарството
Живинарството ќе се соочи со најголеми промени. Земајќи ги предвид многу различните специјализирани потсектори, секој од нив има свои принципи на производство. Но, има уште многу сомнежи, не е сè утврдено, а расправата се уште трае.
Сè уште не е дефинирано на што се однесува изразот „млада живина“ – дали се однесува на одгледувани кокошки стари 18 недели или се мисли на животни кои почнале да несат јајца? Во тој случај, „млада живина“ би биле кокошки стари 22 недели, објасни Фуш.
Во зависност од тоа што е прифатено, се регулира со што се хранат кокошките и на тој начин се делува на цената на финалниот производ. Значи, новото правило ќе го диктира составот на храната, а има уште една важна промена.
Од 1 јануари 30 отсто од храната за свињи и живина мора да потекнува од околината, што ќе биде проблем во источноевропските земји за кои оваа регулатива не важи, а голем дел од добиточната храна доаѓа од тоа подрачје.
Построги правила за сместување на животни
Се заоструваат и правилата кога станува збор за сместување на животни, особено во однос на просторот што треба да се обезбеди за животно. Покриениот надворешен простор повеќе нема да се смета за затворен. Ова како последица за фармерите ќе има дека ќе им биде дозволено да чуваат помалку животни на фармата.
Исто така, одгледувачите на свињи ќе се соочат со ограничен број животни што можат да ги одгледуваат. Хранилките се одбиваат кога се пресметува површината на шталата.
Фуш наведува дека правилата за површината имаат големо влијание врз одредувањето на бројот на животни кои се одгледуваат. Тој посочува дека новата регулатива ја поставува Европската комисија на повисоко ниво и овозможува органскиот сектор да продолжи да биде препознатлив, но и да се развива во рамките на новите правила.
