Денеска, министерот за земјоделство Трајан Димковски, заедно со заменик министерот во Министерство за животна средина и просторно планирње, Јани Макрадули, присуствуваше на отварањето на работилница, која претставува дел од Проектот “Програма за партнерство на животната средина на Европската Унија за пристапување во Западен Балкан и Турција” кoj има за цел да биде двигател на реформите и развојот во управувањето со животната средина преку усогласеност со законодавството на Европската Унија.
Оваа работилница ќе придонесе за размена на искуства како и зајакнување на регионалната соработка за борба против нелегалната сеча и трговијата со дрво и дрвната маса.
Во рамките на ИПА за 2019 година, Европската Унија обезбеди грантова финансиска поддршка во вредност од 1,3 милиони евра со цел зајакнување на управувањето со шумарскиот сектор.
Проектот ќе започне во втората половина на 2020 година и ќе придонесе за хармонизација на секторот шумарство со европскиот модел.
