За посна, но исклучително ароматична и сочна сарма, важно е да се комбинираат зеленчук, зачини и добра верзија на „замена за месо“, без разлика дали станува збор за леќа, печурки или посен фил на база на ориз и зеленчук.
Потребни состојки:
1 голема глава кисела зелка (околу 2 кг)
250 г зелена леќа или 300 г ситно сечкани печурки (може да биде комбинација)
120 г ориз
1 голем кромид (ситно сечкан)
2-3 чешниња лук (ситно сечкани)
2 лажици масло за готвење
2 лажици мелен црвен пипер
Сол, бибер, ловоров лист; по желба, малку сув зачин од билки
2 лажици брашно + масло за посен сос
Вода или зеленчукова супа
По желба за „чаден“ вкус: малку чаден црвен пипер
Како да ја подготвите посната сарма
Одделете ги листовите, исплакнете ги со вода ако се премногу солени и отстранете ги подебелите делови од листот.
Исржете го кромидот во масло додека не омекне, додадете леќа (ако претходно е полусварена) или печурки и пропржете ги кратко. Додадете лук, ориз и зачини и соединете сè.
Ставете мала лажица од филот на секој лист и завиткајте ги лисјата.
Ставете неколку листови зелка на дното од тавата, наредете ги сармичките, ставете 1-2 ловорови листови и прелијте со вода или супа за да се покријат.
Оставете ја сармата да крчка на тивок оган околу 2,5 до 3 часа. Само повремено протресете го тенџерето, без мешање.
При крајот, испржете го брашното во малку масло, додадете го мелениот пипер и малку течност од тенџерето, потоа вратете сè во тавата и варете кратко време.
Совети за уште подобар резултат
Оставете ја преку ноќ: Сармата е уште повкусна следниот ден кога сите вкусови ќе се соединат.
Гответе бавно: Ниските температури даваат најдобар вкус и спречуваат зелката да се распадне, пишува Информер. Рс.
