На 27.03 2023 година во место викано Браниград во близина на село Стар Истевник-Делчевско, се изврши пошумување на површина од 2 ха со садници од црн бор.
Површината на која се пошумуваше е опожарена површина која беше зафатена со катастрофалните пожари во 2021 година. Површината е предвидена за санирање согласно Програмата за Проширена репродукција на шуми за 2023 година. Предвидено е да се санира површина од 51 ха и да се пошумат 102 000 садници од багрем и црн бор.
На пошумувањето присуствуваше Помошник директор од ЈП Национални шуми Маре Басова, преставници од Секторот за одгледување, подигање, екологија и лов, преставници од МЗШВ и вработените во Подружницата Голак од Делчево.
