Компанијата „Aldi“ од Португалија започна со продажба на „Bread Beer“, пиво произведено од непродадениот леб во продавниците.
Ова пиво е развиено од пиварницата „Aldeana“, ексклузивно за „Aldi“, и во него со леб е заменет дел од вообичаениот слад кој се користи во производството на пиво. Новиот производ ќе биде достапен во продавниците во Португалија, во ограничена серија.
Лансирањето на пивото е дел од иницијативата на „Aldi“ Португалија за намалување на процентот на фрлена храна, а доаѓа откако трговецот се приклучил кон иницијативата United Against Waste (Обединети против отпадот) на почетокот на оваа година.
Сепак, ова не е првпат на португалскиот пазар да се појави ваков производ. Хипермаркетите „Sonae MC“ во сопственост на „Continente“ веќе извесно време го продаваат пивото „Vadia“, исто така направено од остатоци од стар леб.
Извор: esmmagazine.com
