Бербата на црешите е завршена во Апулија, на југот на Италија. Гневот на производителите после сезонските ниски цени и секојдневни протести не е намален.
„Според она што го пресметавме, оваа година нема добивка ако се земат предвид сите трошоци на производство. Поради тоа се одлучив да ископачам 2 хектара цреши, некои рани и доцни сорти (феровиа, џорџија, бурлат и греј стар)“, вели Леонардо Де Лео, кој поседува 10 хектари под цреши.
„Кога ќе сфатите колку мали се приходите, се убедувате себеси дека е најдобро да го ограничите својот труд и разочарувањето. Подобро е да се живее мирно, со помалку хектари со кои семејството може да управува, отколку да барате работна сила и да се задолжите поради различни трошоци кои ќе ги сносите и пред да можете да наберете една единствена цреша. Копачењето е последно нешто што одгледувачите сакаат да го сторат, но понудените цени минатата сезона натераа многу производители да го направат тоа. Собравме многу тони, но заработивме само за кикирики“.
„Скоро 90% од ископачените дрвја се пресадени пред 7 години. Тие беа во полна родност. Земјиштето ќе остане необработено или можеби ќе се одгледуваат житарки за да можам да имам корист од парите од ЕУ фондовите за заедничка земјоделска политика. Ова нема да ни помогне да растеме како трговци. Свесен сум за тоа, но свесен сум и за фактот дека ова е единствен начин да опстанеме“, вели Леонардо Де Лео.
Извор: poljoprivreda.info
