До 10 ноември сите заинтересирани компании од прехранбениот сектор, водоснабдителните претпријатија и училиштата треба да ги поднесат документите за потпишување на договорите за снабдување со струја од ЕСМ според последната мерка на владата за субвенцинирана струја.
200 компании од прехранбената индустрија, водостопанствата и училиштата ќе се снабдуваат со поевтина струја. Тие ќе се снабдуваат преку ЕСМ со цена од 80 евра по мегават час. Компаниите, претпријатијата и училиштата можат да ги симнат потребните документи од интернет страната на ЕСМ и треба електронски да ги поднесат.
