По студеното утро, нè очекува сончев ден со температура до 21 степен

Времето утрово ќе биде постудено, а преку ден ќе биде сончево и потопло со слаб ветер од променлив правец. Минималната температура ќе биде во интервал од -5 до 2, а максималната ќе достигне од 13 до 21 степен, соопшти Управата за хидрометеоролошки работи.

Во Скопје, сончево и потопло со слаб ветер од југоисточен правец. Минималната температура ќе се спушти до -1, а максималната ќе достигне 19 степени. Во следните денови ќе преовладува стабилно и сончево време со пораст на дневните температури.