И компанијата „Беље“ донесе одлука за зголемување на откупните цени на млекото. Како што наведуваат, до мај годинава откупните цени ќе се зголемат во просек за 20 проценти.
„На овој начин им даваме значителна поддршка на домашните млекопроизводители, особено на оние кои се загрозени од наглите промени во економските текови и поскапувањето на добиточната храна“, велат од компанијата.
Истовремено, наведуваат, ова јасно ја покажува важноста на соработката во домашното производство со фармите на мали производители, кооперантите кои секојдневно го испорачуваат своето млеко за производите од брендот „Кравица краљица“.
Зголемување на откупната цена претходно најавија и „Дукат“ и „Виндија“.
„Откупната цена на млекото од 1 април се зголемува за 15 липи по литар, а од 1 мај за уште 10 липи по литар“, објави „Дукат“ пред една недела, нагласувајќи дека на тој начин „сакаат да помогнат во зачувувањето на бизнисот и егзистенцијата на нивните земјоделци, што ќе резултира со инвестиција од 90 милиони куни годишно во примарниот сектор“.
Извор: agroklub.com
