Регионалниот пат Кочани – Штип, кој се користи во моментов треба да биде рехабилитиран и вратен во правобитна состојба. Министерот за транспорт и врски, Благој Бочварски од Свети Николе порача дека одговорност на изведувачот е патиштата кои се користат додека се гради новиот експресен пат ќе бидат вратени во правобитна состојба. Експресниот пат Штип – Кочани под времен режим се пушта во употреба наредната недела.
–Очекувам многу посилен економски раст и развој на источниот регион со пуштањето на овој патен правец, очекувам зголемување на безбедноста на многу повисоко ниво од она што беше до денеска и патните правци кои беа заборавени и по кои патуваа граѓаните, а беа слика на минатиот век денеска повеќе таа состојба ја менуваме и денеска имаме комплетно нова слика на патната инфраструктура, вели Бочварски.
Тој денеска најави и дека Министерството за транспорт и врски распиша повик за изградба и рехабилитација на четири локални патишта во Свети Николе во вредност од 30 милиони денари.
