Стеблото на пелинот е исправено, разгрането и покриено со густи, сребрено-сиви ливчиња. Расте до висина од 50 до 100 см. Цветот на пелинот е ситен и се развива на врвот на богато разгрането стебло. Цвета од јули до септември. Пелинот има силен и карактеристичен мирис.
Растението содржи етерично масло, горчливи материи, флавоноиди, танини и се користи за медицински цели. Пелинот е многу распространето растение. Расте на карпести и сончеви места, на пуста и необработена почва, на чакалски речни брегови, на карпи, претежно на суви места и особено на варовнички почви. Може да се одгледува во градината и не бара никаква посебна грижа.
Размножувањето на пелинот може да се постигне со семе или со делење и пресадување на постари растенија.
Примена: Пелинот го зголемува лачењето на плунката и желудочниот сок, помага при проблеми со желудникот придружени со надуеност, го стимулира работењето на жолчката.
Забелешка: Бремените жени и доилките не треба да го консумираат. Пелинот не треба да се зема ако постои ризик од мозочен удар, оштетување на желудникот и внатрешните органи и ако се земаат препарати со железо.
Извор: vecernji.hr
