Според информациите кои ги добивме од раководителот на подрачната единица на МЗШВ во Прилеп, Зоран Пачешкоски, во моментов се работи на оглас за државно земјоделско земјиште.
– Во моментов се работи на оглас до 3 ха, над 3 ха и оглас за државно земјоделско земиште за сточари во општините Прилеп, Кривогаштани и Долнени. За сите подетални информации околу огласот, критериумите и начинот на аплицирање, ќе информираме дополнително – ни изјави Пачешкоски.
Покрај подготовките за огласот за земја, во ПЕ на министерството сеуште се издаваат картичките за „зелена нафта“ на оние земјоделци кои ги немаат подигнато досега.
-Ги повикуваме земјоделците да дојдат и да ги подигнат картичките како би можеле да искористат 30 % поефтина нафта во текот на есенската сеидба. Главното барање на земјоделците сите овие години беше поефтина нафта и затоа сега редно е да ја искористат оваа мерка на Владата – изјави Пачешкоски.
За текот на огласот како и за останатите мерки на Владата, а кои се во интерес на земјоделските производители, Агротим редовно ќе известува со детални и едукативни информации.
