Станимир Миниќ – Цане, е познат производител на ракија во Шумадија и не е чудно што на овој мајстор, му тргнало од рака да направи ракија дури и од зелка.
-„Не е лесно да се направи, со дестилација на 100 килограми зелка, во казан со зафатнина од 150 литри се добива само литар и половина препечена ракија која одговара за консуамција и употреба. Тоа е препеченица од 42 степени. Секако дека не е исплатливо но тоа не е суштината. Оваа ракија е за подарок за пријателите, таа е атракција во мојата колекција. Верувајте кога луѓето ја пробаа, потврдија дека никогаш пооригинално нешто не пиеле во животот. Пробајте, нека се лизне низ грло, па потоа пуштете ја миризбата низ нос, ќе почувствуваш чиста зелка“, вели тој и потврдува дека првата зелковача ја испекол во 2010 година во знак на почит и дружење со пријателите од Футог.
„Тоа шише го чувам како раритет, единствена ракија од Футог на планетава, идејата беше заедничка и кога се сака и кога се има љубов, се во животот може да се направи“ -беше се што Цане сподели за рецептот и производството на оваа необична ракија.
Нема производ, кој го произвела куќата за ракија на Цане, а да не е награден. Се почнало во 2005 година, кога Цане решил посериозно да се посвети на семејниот бизнис кој се пренесувал од колено на колено.
– „ Кога човек го прави она што го сака, ништо не е тешко. По професија сум градежник и не знам што ќе се случеше да останев во струката. Работев во куќата на едни технолози, кои кога ја пробаа мојата ракија што ја правев од хоби, ми рекое дека ретко кој во светот има таква. Така започнав да работам на тоа и денес сме тука каде што сме“, објаснува Цане.
Во Шумадија велат, најдобра е ракијата од сливи па потоа сите останати.
– „Што се однесува со сливите тргнав со оцена 19,07 и стигнав до 19,43, што значи девет пати себеси се надминав. Тоа се главно стари автохтони сорти на сливи кои даваат мнгоу виоск квалитет. Јачината се движи од 40 до 43 степени“,раскажува Цане.
Според него, од 1750 година па се до денес, кога и внукот се приклучил на бизнисот после студиите, сите во неговата фамилијата знаеле и да испечат и да испијат добра ракија. Во подрумот на Миниќ се крие повеќе од еден тон ракија од сливи, дуњи, кајсии и вилјамовка, но има и вистински раритети како што се ракија од шумска јагода, банана и зелка.
Извор: Агромедиа
