Генералното собрание на ОН ја прогласи 2021 година за година на овошјето и зеленчукот. Целта е да се обединат производителите и потрошувачите за да се трансформира системот на исхрана.
Според ОН, Организацијата за храна и земјоделство IYFV 2021, е единствена можност за подигање на свеста кај луѓето за важноста на улогата на овошјето и зеленчукот во исхраната, значењето на здравствената безбедност на храната, како и постигнување на цели за одржлив развој.
-„Мораме да се собереме за да обезбедиме високо квалитетната храна да стигне до најзагрозените, не оставајќи никој позади себе“ – изјави Марчела Вилареал, директорка за партнерство и соработка во ФАО.
Хелена Леурент, генерална директорка на ФАО партнерот „Consumers International“, додава дека е важно да се видат потрошувачите не само како крајни корисници на производите, туку како активни партнери во промена на целиот систем на производство и снабдување.
Андре Леу, амбасадор на меѓународната организација IFOAM Organics International, изјави дека со оглед на реалноста на климатските промени, вклучувајќи ги екстремните суши и поплави, адаптацијата и еластичноста на призводството сега е од суштинска важност. Добар почеток, предложи тој, би било земјиштето:
– „Враќајќи ја органската материја во земјиштето, можеме да ја зголемиме неговата способност да го впие вишокот на вода и да ја задржи истата. Кога ќе влезат во сушен период, тие земјишта се поотпорни на суша. Во просек овие посеви ќе донесат 30% повеќе приноси од земјиштата со малку органска материја. На тој начин земјоделците ги чуваме за иднината“, смета тој.
Според зборовите на Вилареал, клучен момент во Меѓународната година на овошје и зеленчук ќе биде самитот на ОН за храна кој ќе се одржи на есен. Целта на случувањата е да се понуди платформа за амбициозни акции, иновативни решенија и планови за трансформација на прехрамбените системи.
Извор:ekapija.com
