Постојат повеќе начини за одржување на почвата во насадот со ореви.
Почвата може да се одржува со редовно обработување меѓу редовите и третман со хербицид на површината околу дрвјата или комбинација од трева и мулч.
Како ќе се обработува земјиштето и во каква состојба ќе се одржува, најмногу зависи од наклонетоста на теренот, количината и распоредот на врнежите, видот на земјиштето итн.
Кај младите овошни насади, без разлика на наклонетоста на теренот и количината на врнежи, земјиштето, барем околу овошките, мора редовно да се обработува. Доколку дозволува наклонот, почвата меѓу редовите треба редовно да се обработува со помош на дискови, култиватори и други машини за површинска обработка, така што почвата секогаш треба да биде без плевел. Ваквата состојба на почвата се одржува со примена на хербициди, со помош на мотокултиватор или со копање.
Земјиштето во насадите во род се ора и обработува меѓу редовите, а површината во редот се третира со хербициди. Третирањето со хербициди обично се врши три пати годишно. Оревите се борат со плевелот до одреден степен и сами, со помош на густата сенка, а во голема мера и со токсичното дејство на некои плевели наречени „југлон“ кои ги произведува коренот на оревот (коренот на младите садници го произведува многу малку, па затоа овој ефект не се забележува кај младите насади).
Наесен, веднаш по расфрлање на арското ѓубриво, калиумовите и фосфорните ѓубрива и обично 1/3 азотни ѓубрива, се врши зимска обработка, со орање, при што треба да се води сметка површината да остане што порамна.
Следната година се ора во спротивна насока така што површината секогаш е речиси рамна.
Непосредно пред бербата, почвата се обработува содискова брана попозната како тањирача за полесно да се собираат оревите. Кога ќе заврши бербата, земјата повторно се обработува со тањирача. На многу наклонети терени (наклон поголем од 10º) со големо количество врнежи (над 1000 мм) или доколку се наводнува, може да се одржува ледина каде што тревата се коси најмалку 7-8 пати годишно и се остава под овоштарникот. Најдобро е тревата да се коси со ротокосилки, кои ја исфрлаат тревата во редови под овошките. Бидејќи тревата од земјиштето извлекува големи количества вода и минерали од почвата, насадите треба да се наводнуваат, а количината на ѓубрива да се зголеми и до 50%.
Извор: agrosavjet
