Европската комисија започна јавно советување за својот иден акциски план за органско земјоделство, но предложи и одложување на стапувањето во сила на новата уредба за овој вид на производство и тоа за една година, пишува Еuractiv.
Најавено е дека комисијата ќе го поддржи овој сектор кој игра клучна улога во постигнувањето на целите за спроведување на стратегијата „Од нива до трпеза“, како и оние за биолошка разноликост, вклучувајќи го и планот до 2030 година, 25% од вкупното земјоделско земјиште да биде со органско производство.
Целта на акцискиот план е да се испита како овој вид на производство може да помогне во тоа да земјдоелско – прехрамбениот сектор ја подобри својата одржливост во ланецот на снабдување, развивајќи ја и побарувачката за такви производи. Советувањето за планот, кој би требало да се усвои на почетокот на 2021 година, ќе собере повратни информации од граѓаните, државните власти и релевантните учесници на советувањето, а ќе започне на 27 ноември.
Уредбата се одлага за една година
Новиот сет на правила за еколошко земјоделство, кој беше одобрен во 2018 година после долгогодишни преговори помеѓу застапниците во Европскиот парламент и минситрите за земјоделство, осмислен е да обезбеди чесно пазарно натпреварување, а истовремено да ги спречи измамите и да се одржи довербата на потрошувачите во овој секторот кој брзо се менува и расте.
Новата уредба првенствено требаше да стапи на сила на 1 јануари 2021 година, но законодавците и преговарачите се залагаат за едногодишно одложување на нејзината примена, значи, до 1 јануари 2022. Сметаат дека е потребно одлагање со цел да се обезбеди непречена транзиција и да им се овозможи на производителите, контролните и надлежните тела правилно да се подготват.
Комисијата го поддржала овој став, велејќи дека, иако новата уредба дава солидна основа, подзаконските акти кои треба да се усвојат мора да бидат еднакво прилагодени.
Водачите ја поздравуваат оваа одлука
– “Органското земјоделство ќе биде клучен сојузник во транзицијата која ја водиме според одржливиот прехранбен систем и подобра заштита на нашата биоразноликост“- коментираше комесарот за земјоделство, Јануш Војчеховски. Оваа вест која ја поздрави и Норберт Линс, претседател на Одборот за земјоделство во Европскиот парламент. Тој тврди дека ова одлагање ќе им даде на земјоделците и на националните власти повеќе време да се прилагодат.
Идентичен став имаат и здруженијата за еколошко производство EU IFOAM, чиј претседател Јан Плаге вели дека, новиот Акционен план е пресуден Европа да стане „позелена“.
– “Потребен ни е ваков конкретен чекор за да ја зголемиме побарувачката и да ја подигнеме свеста за предностите на еко производството, што е клучен аспект на акцискиот план“, изјавил тој.
Едуардо Куоко, директор на IFOAM, додава дека одлагањето на новиот пропис „ мудра одлука“, на државите членки ќе им овозможи правилно да ја завршат работата на законодавството.
Извор: Агроклуб
