Нашата територија и во текот на следните денови ќе продолжи да биде под влијание на претежно стабилна, сува но уште потопла воздушна маса која продира од југ. Времето ќе биде сончево и многу топло со умерена локална облачност, повремено и локално ќе има нешто повеќе облачност.
Утре и во петок ќе дува умерен, повремено на некои места засилен ветер од јужен и од југозападен правец, особено во петок локално и тоа особено на запад ветерот повремено ќе биде и силен (над 70 км/час).
Максималните дневни температури на воздухот ќе се искачуваат во интервалот од 26 до 34 степени, во најтоплите предели од државава истите се очекува да се искачат и до околу 36 степени.
УВ ИНДЕКСОТ понатаму ќе има многу висока, до екстремно висока вредност и ќе изнесува од 8 до 10.
Временската прогноза ја подготви Славчо Попоски
