Хрватска и Грција се најголемите корисници на средства од фондовите за спроведување на кохезијата и заедничката земјоделска политика на Европската Унија, покажува истражувањето на германскиот Институт за економија (IW).
Хрватска била најголемиот нето-примател на пари од кохезиониот фонд со 2,45% од нејзиниот бруто национален приход. По неа следува Словачка со 2,06%, Унгарија со 1,77%, Летонија со 1,76% и Бугарија со 1,39% од својот БНД.
Целта на Кохезиониот фонд е да поттикне рамномерен развој на земјите од Европската Унија. Како израз на солидарност со помалку развиените земји и региони, сите членки на ЕУ уплаќаат во тој фонд пропорционално на нивната економска сила, а парите ги користат помалку развиените земји.
Трошоците на ЕУ за кохезионата политика се намалија минатата година, втора година по ред. Тоа, според толкувањето на Институтот (IW), може да се објасни со фактот дека редовно се случува со започнувањето на трошењето на новиот повеќегодишен буџет, бидејќи исплатите од претходниот буџет престанале.
Кога станува збор за фондовите на ЕУ за земјоделството, кои се инструменти на Заедничката земјоделска политика, најголем корисник била Грција. Износот што го повлекла оваа земја врз основа на заедничката политика за земјоделство и рурален развој на Унијата изнесувал 1,05% од нејзиниот БДП.
По неа најголеми корисници биле Бугарија, Литванија, Летонија и Унгарија.
ЕУ ја спроведува Заедничката земјоделска политика преку Земјоделскиот гарантен фонд и Европскиот земјоделски фонд за рурален развој.
Истовремено, Грција, со 1,31 отсто од БДП, пропорционално добила најмногу пари од фондот на „ЕУ Следната генерација“ (NextGenerationEU), а потоа следат Португалија и Хрватска со по 1,2 отсто.
Благодарение на најважниот елемент од вонбуџетниот план на овој фонд, земјите-членки можат да добијат неповратни заеми од ЕУ за спроведување реформи, за инвестиции, решавање на економски и енергетски проблеми.
