АПЕЛ ДО РЕСОРНОТО МИНИСТЕРСТВО ЗА ЗЕМЈОДЕЛИЕ И ВЛАДАТА НА Р. МАКЕДОНИЈА
Барање за итни мерки за заштита на традиционалното тутунопроизводство и редефинирање на субвенциите
Почитувани,
Како претставници на Националната земјоделска мрежа, ви се обраќаме со сериозна загриженост во врска со актуелните состојби во секторот тутунопроизводство. Во последно време сме сведоци на засадување на големи површини со тутун од страна на правни лица и одредени бизнис-групации кои немаат традиција во оваа стопанска гранка.
Загрижувачки е фактот што дел од бизнисмените, водени од безидејност или лакомост, својот капитал го насочуваат кон овој сектор, притоа занемарувајќи го фактот дека тутунопроизводството е социоекономска култура и единствен извор за егзистенција на голем број семејства во нашата земја.
Анализа на ризиците и опасностите по секторот
Ваквиот начин на производство предизвикува сериозни закани врз стабилноста на земјоделците:
Хиперпродукција: Неконтролираното зголемување на површините води кон прекумерно производство на тутун, што директно ќе резултира со пад на откупните цени.
Загрозување на егзистенцијата:
Се загрозува опстанокот на илјадници семејства за кои тутунот е примарен извор на егзистенција.
Нерамноправна распределба на средствата:
Одливот на субвенции кон големи бизнис-субјекти ја намалува поддршката наменета за примарните земјоделци.
Барања и предлози од Националната земјоделска мрежа
Апелираме до надлежните институции да преземат итни мерки со цел да се заштити оваа стратешка гранка:
1. Исклучување од субвенции:
Бараме секој вид на „фармерско“ или индустриско одгледување на тутун од страна на бизнис-групации без традиционално искуство да биде исклучено од системот на субвенционирано производство.
2. Задолжителни договори:
Субвенциите да се доделуваат исклучиво на земјоделски стопанства кои имаат склучено договори со овластени откупни претпријатија.
Сметаме дека со овие мерки ќе се одржи континуитетот во производството и ќе се овозможи субвенциите да отидат кај традиционалните и вистински тутунопроизводители.
Остануваме на располагање за заедничка средба и дискусија.
Со почит,
Национална земјоделска мрежа
