Од управата на Национален парк „Шар Планина“ информираат дека во текот на ноември на три места било извршено пошумување кое опфатило вкупно 33 хектари. Пошумувањето се реализирало во атарите на селата Ѓурѓевиште и Врановце, каде буковата шума била уништена од шумски пожари.
–Пошумувањето на 107.400 висококвалитетни садници од автохтони видови дрвја го изврши Градинарскиот центар Фоја, а беше реализирано под надзор на стручни лица од областа на шумарството. Голема благодарност до УНДП Македонија кое во целост го поддржа пошумувањето во рамки на проектот „Подобрување на отпорноста од поплави на Полошкиот Регион“, информираа од ЈУНП „Шар Планина“.
Од 107.400 садници најмногу од поединечен вид се посадени 37.330 садници Fagus sylv.moesiaca, па Acer platanoides 18.000 и Acer pseudoplatanus (15.000). По 10.700 се посадени од три видови- Pinus silvestris, Albies alba и Picea abies. Најмалку, пет илјади садници се Carpinus betulus.
