Марјанчо Цветкоски од Прилеп, е регистриран земјоделец кој задно со сопругата Христина 20 години произведуваат тутун на 4 ха во село Марул, со годишно производство од 5 до 8 тони исклучително квалитетен тутун.
-Ние сме четиричлено семејство и скоро 20 години произведуваме тутун на еден современ и механизиран начин. Од земјоделско производство освен тутун, обработуваме и житарици на 20 ха, а имаме и фарма со 19 грла добиток за месо и 5 трактори. Механизцијата значително ни ја олеснува работата поради проблемот со недостиг на сезонски работници. Затоа деновиве сме особено среќни што може да се пофалиме со новиот моќен трактор од 90 коњи со еуро 5 стандарди од познатиот бренд „Солис“ кој го набавивме од Хемометал, преку програмата ИПАРД – вели Марјанчо Цветковски.
Сопругата Христина вели дека ги зголемиле површините за обработка, добиле 6 ха државно земјоделско земјиште кои со современа механизација полесно се обработува и ќе има поголем принос.
-Задоволни сме од земјоделското производство затоа и ги зголемуваме површините, а со новиот трактор „Солис“ очекуваме успешно да работиме и да имаме подобар и поквалитетен принос – ни изјави Христина.
