Новиот модел на земјоделство ги здружува компаниите, задругите и фармерите

„Стратешки план за заживување на селата“ до 2022 г. кој што веќе дава резултати во Кина“

Пред околу  една година владата во Кина објави свој „Стратешки план за заживување на селата“ до 2022 година. На многу места во државата овој план веќе води до повисоки приходи и подобар живот на многу земјоделски производители, соопштува радио Кина.

Селото Гаџиту во провинцијата Шанси е едно од местата, каде што успешно се применува новиот модел за современо земјоделство. Во производството на домати заедно учествуваат компании , задруги и земјоделци. Тие најдоа начин да ги зголемат приходите, да го заживеат селскиот регион и да го развијат локалниот бизнис.

Иницијативата  доаѓа од компанија за одгледување на домати, која што од 2017 година управува со модерното стопанство во селото. Се да биде на едно место – современи оранжерии, магацини и работилниците за пакување. Производствениот циклус да е целосно од затворен тип – се од засадувањето на расадот, па одгледувањето на зеленчукот до собирање и пакување на реколтата.  Еден од факторите за успех е преку локалната задруга компанијата  да потпишува индивидуални договори со дел од сопствениците, според кој ќе му дава расад, опрема и финансии за изградбата на оранжерии и пласман. Благодарение на овој модел беше решен проблемот со приходите на земјоделците и недостигот на работна рака во компанијата.  

Друг дел од производителите во регионот пак претпочитаа да ја дадат својата земја под закуп на компанијата и да станат работници во оранжериите поставени во неа. На тој начин околу 120 луѓе од персоналот во оранжериите се локални, коишто не само што добиваат подобри и сигурни приходи туку со тоа совладале нови техники и вештини.

Многу семејства потврдуваат, дека сега состојбата им е многу подобра во споредба со претходно, кога правеа се сами. Тогаш имале трошоци за изградба на сопствена оранжерија, за купување на семиња и расад, одгледувањето и продажбата на зеленчуците.  А сега имаат солидна плата и еднаш годишно добиваат  кирија за своите ниви.

„Сега е многу подобро од претходно. Дури и облеката ни е почиста. Во оранжеријата носиме работно одело од компанијата.   Животот ни е по подреден и планиран. Оранжериите се еколошки и чисти, многу подобри од нашата”, ни сподели еден од работниците.

Извор: https://agri.bg/