Насадите од лешник – бизнис на иднината

Кога зборуваме за нов и профитабилен агробизнис не може, а да не се спомене подигањето на насади со лешници.

Еден од најрепрезантативните насади со лешници се наоѓа во Струга во сопственост на Макс Сефери. Пред да започне да се занимава со овој агробизнис Сефери правел анализи 12 години. Ги следел климатските услови , потоа испитувал кои сорти најдобро успеваат, кои сорти би имале пласман во индустријата, а истовремено би се користеле и за консумација. Овој дел е исклучително важен затоа што само така производителите можат да бидат сигурни за пласманот на своите производи.

Во продолжение неговото искуство со овој агробизнис:

Сите направени анализи  во соработка со Универзитетот во Љубљана потврдиле дека од 16 сорти на лешници на овие простори најдобро успева сортата ,,НОЧИОНЕ“ Се работи за резистентна сорта, со богат род, со плод со средна големина кој може да се користи и во индустријата и за консумација.

Моментално производството на лешници кај нас не е доволно за да ги задволи побарувањата на странските фабрики за чоколада. За да се задоволат нивните потреби странските побарувачи се спремни да им помогнат на земјоделците кои ќе се одлучат да одгледуваат лешници за нивни потреби.

Насадите со лешници во принцип се лесни за одгледување. Не бараат многу работа , ниту пак прскање со хемиски препарати (најмногу 2-3) пати годишно ако во близина има други видови  на овошни насади.Од прилика ангажманот околу насадите со лешник е 80 % помал одколку во овоштарниците со јаболка.

На површина од  1 ха. , ако се сади на растојание на 4 x 4 мeтри се потребни 600 садници. Цената на една садница е 3 евра од кои државата преку ИПАРД програмата за нов насад покрива 60% од сумата.

Односно:

За 1 ха Лешник вкупна инвестиција     изнесува околу     3000 евра

Очекуван принос:

4 година            2кг/стебло      вкупно            1,2 т.

7 година              8кг/стебло     вкупно            5т.

Бизнисот со лешници започнува по четвртата година кога ќе започне со род. Но треба да се напомене дека држават секоја година дава од прилика по 550 евра субвенции што се сосема доволни за одржување на насадите.

После седмата година лешникот започнува со својата максимална родност така што на некои стебла може да достигне и по 25 килограми од стебло, што е одлична заработка.

Мора да се напомене дека лешникот е траен производ и не се расипува брзо како другите типови на овошје. Тоа му остава простор на производителот самиот да одлучи кога и за колку пари ќе ги предаде лешниците. Лешниковите насади можат да се експлоатираат во наредните 70 до 80 години без никаков проблем.

Климатските услови во РСМ се такви да речиси целата територија на нашата држава одговара за одгледување на лешници.

Побарувачката на лешници во европските земји е прилично голема . Моменталната цена на берзата е околу 2,7 евра и во последните 10 години не се спуштила под 2,5 евра. Треба да се напомене дека оваа цена е за преработувачката индустрија додека цената на лешниците за конзумација достигнува и до 4 евра.Исто така лешниците во последно време се барани и во козметиката и во фармацевтската индустрија.

Фирмата А.Л Јунајтед од Струга им стои на располагање на сите заинтересирани кои сакаат да подигнат насад со лешници , почнувајќи од садници па се до  склучување на договори за сигурен  пласман.

Kонтакт: 071 997-210

Извор: Канал5