Нови хотели, ресторани, индустриски објекти, дестилерии и опрема за производство на пчелни производи се дел од инвестициите за кои денеска доделивме договори за финансиска поддршка од Мерка 7 од ИПАРД 2 програмата, известуваат од МЗШВ.
Инвестициите се предвидени во сите региони низ Македонија, што оди во прилог на заложбите за регионален рамномерен развој. Со потпишувањето на договорите со сите соодветни апликанти се очекува да започнат со реализација инвестиции со вредност која надминува 20 милиони евра. Сериозниот пристап во управувањето со европскиот фонд за земјоделство и рурален развој е препознаен од нашите ЕУ партнери, но најважно е што бенефитите и придобивките веќе се видливи помеѓу нашите граѓани како крајни корисници на средствата. Модернизацијата на земјоделството и развојот на микро и малите претпријатија од руралните средини останува во фокусот на ИПАРД, стои во објавата ма Министерството за земјоделство, шумарство и водостопанство.
