Цените на житарките повторно пораснаа во петокот. Причината е интервјуто за Ројтерс дадено од рускиот амбасадор на ОН во Женева, Генадиј Гатилов, кој рече дека Русија се подготвува да го раскине договорот за извоз на житарки преку пристаништата во Црното Море.
Загриженоста на Москва дека коридорите нема да можат да бидат проодни се одрази и на светскиот пазар.
Веста за можното затворање на пристаништата на Црното Море резултираше со поскапување на пченицата и пченката. На парискиот MATIF цената на пченицата порасна за три евра, односно на 356,25 евра/т.
Пченката поскапе за едно евро и требаше да се издвојат 341,25 евра/тон, додека вредноста на маслодајната репка е повисока за 0,75 евра и изнесува 633,75 евра/тон.
Амбасадорот Гатилов рече дека постои можност да се прекине поддршката за овој договор, но дека руската страна не се противи на испорака на житарки. Тој нагласи дека договорот треба да ги третира сите страни подеднакво и да го спроведуваат сите учесници. На генералниот секретар на ОН му предаде писмо со поплаки од руска страна за досегашното спроведување на договорот, но не сакал да ја открие содржината на жалбата.
Берзата во Чикаго, CBoT ги следеше случувањата. Декемвриските фјучерси на пченицата благо поскапеа за 0,99 отсто и цената беше 335,21 евра/т, пченката поскапе за 0,69 отсто на 280,86 евра/т. Цената на сојата падна на 524,36 евра/т. Овесот поскапе за 0,87 отсто, а цената изнесуваше 287,05 евра/т.
