На иницијатива на Љупчо Николовски, министерот за земјоделство, шумарство и водостопанство, денеска се одржа видеоконференција со министрите за земјоделство од регионот.
„Денеска на моја иницијатива се одржа видеоконференција со министрите за земјоделство од регионот на кој се разговараше за случувањата со војната во Украина и потенцијалните влијанија на тековната геополитика врз земјоделскиот сектор на земјите од регионот.
Заеднички заклучок е дека граѓаните на Северна Македонија, како и граѓаните од регионот не треба да бидат загрижени. Земјите од регионот имаат отворена соработка и се заложуваме за одржување на стабилноста во снабдувањето со храна.
Потенциравме дека регионалната соработка треба да продолжи и владите да се воздржат од воведувања на унилатерални мерки од било каков вид.
Министрите од регионот ја поздравија иницијативата и се согласија дека соработката помеѓу земјите од регионот треба да биде ефикасна и функционална, а граѓаните од сите држави од Западен Балкан да бидат сталожени бидејќи заедно работиме да го одржиме стабилно снабдувањето со храна.“, објави на својот фејсбук-профил министерот Николовски.
