МЗШВ во најкус можен рок ги ангажираше сите соодветни институции, при што ургентно беа донесени измените на Програмата за водостопанство 2023 и Инвестициската програма на АД Водостопанство заради обезбедување на средства за реализација на решението со кое ја запазуваме сезоната, информираше министерот Љупчо Николовски.
„Вода за наводнување на површините во Росоман и Градско од околу 3.000 хектари ќе има. Експресно го обезбедуваме решението за санација на оштетувањето на цевководот Макарија. На денешната средба со земјоделците од Росоман и Градско, заедно со дел од професорите од Градежен факултет Скопје извршивме презентација на техничкото решение за надминување на проблемот предизвикан од оштетувањето. Со ова решение од траен карактер ќе се обезбедат дополнителни количини вода над бараниот минимум од 1.700 литри/секунда“, рече Николовски.
