Денес времето во нашата држава ќе биде сончево и понатаму многу топло со мала локална облачност. Во попладневните и во вечерните часови локално ќе биде нестабилно со пороен дожд, грмежи, засилен ветер и услови за локална појава на град. Максималните дневни температури на воздухот ќе се искачуваат во интервалот од 30 до 38 степени.
Во Скопје и околината времето ќе биде сончево и многу топло со мала локална облачност. Во попладневните и во вечерните часови ќе има услови за локален краткотраен пороен дожд, грмежи и засилен ветер. Максималната дневна температура ќе се искачи до околу 35 степени.
Потоа за време на викендот на повеќе места и тоа особено во попладневните и во вечерните часови ќе биде нестабилно со пороен дожд, грмежи, засилен ветер и услови за појава на локално НЕВРЕМЕ проследено со силен ветер, електрични празнења и појава на град. Максималните дневни температури на воздухот за време на викендот ќе бележат тенденција на пат и ќе се искачуваат во интервалот од 28 до 36 степени во сабота, и од 25 до 34 степени во недела.
Временската прогноза ја подготви Славчо Попоски
