Магарешкото млеко спаѓа во неколкуте најскапи видови на млеко во светот. Моментално, на пазарот има цена од 40 до 50 евра за литар.
Магарешкото млеко имало вредност уште кај древните народи, кои го пиеле со задоволство. Старите Римјани ова млеко го сметале за многу луксузен пијалок. Се верува и дека Клеопатра се капела во магарешко млеко, за да ја сочува убавината на својата кожа.
Прочитајте неколку факти за магарешкото млеко:
1. Магарешкото млеко содржи 60 пати повеќе витамин Ц отколку кравјото млеко.
2. Магарицата во текот на лактацијата за две години може да даде најмногу 40 литри млеко.
3. Магарешкото млеко по својот состав е многу слично со мајчиното млеко.
4. Ова млеко не содржи штетни бактерии, кои би можеле да наштетат на здравјето на децата.
5. Има најмал процент на млечни масти од сите видови на млеко.
6. Поради високото ниво на ензими, магарешкото млеко се смета за природен антибиотик. Се препорачува во борба против бактериските инфекции во организмот, последиците од труење и лечење на кожни болести. Се препорачува и на пациентите под хемотерапија, кај болести на дишните патишта, астма, бронхитис и сува кашлица. Хипократ зборувал дека магарешкото млеко има ревитализирачко дејство на целиот организам и дека влијае на јакнење на имунитетот како и против хроничен замор.
7. Магарешкото млеко може да се пие свежо, без да се пастеризира.
8. За да се направи еден килограм сирење потребно е дури 25 литри магарешко млеко.
9. Од магарешко млеко се прават најдобрите козметички прерпарати, сапуни и креми за лице.
10. Магарешкото млеко се користи и како афродизијак.
