Поради пандемијата на коронавирусот во САД рестораните се соочуваат со недостаток на кечап, затоа што поради зголемената испорака на храна пораснала побарувачката, пренесува BBC.
„Heinz“, најпознатата марка на кечап, соопшти дека до зголемена побарувачка дошло поради зголемувањето на достава на храна.
Кога нарачуваат храна луѓето нарачуваат и повеќе кечап во кесички кои го заменуваат кечапот во шишиња на масите од рестораните.
„Како можеме да служиме помфрит без кечап?“, прашал сопственик на ресторан во Денвер, Колорадо.
Од „Heinz“ ветуваат дека ќе го зголемат производството на кечап и дека веќе го го прилагодиле производниот процес, но дека и понатаму побарувачката е поголема од понудата, пренесува АFP.
Според „Wall Street Journal“, цената на кечапот пораснала од јануари 2020 за 13 отсто.
