Влијанието на климатската криза и употребата на пестициди ја загрозија популацијата на дивите опрашувачи, како што се пчелите, осите, пеперутките и птиците. Поради тоа некои овоштари ширум светот се потпреа на комерцијални колонии на бумбари за опрашување на посевите. Но, тие не се покажале толку делотворни колку што би сакале фармерите. Некои не го напуштаат гнездото, додека на други премногу внимание им одвлекуваат други растенија во близина, оние кои не можат да ги опрашуваат.
За да го решат проблемот, истражувачите измислиле посебна мешавина на кофеин, шеќер и специфичен мирис на јагода, и го пуштиле во гнездо со бумбари.
Инсектите потоа од своето живеалиште биле преместени во лабораторија каде што се наоѓало цвеќе кое содржело мирис на кофеин, шеќер и јагоди, а со кој биле запознаени претходно во гнездото. Таму имало и друго цвеќе кое не ширело таков мирис.
Авторката на студијата, д-р Сара Арнолд од Институтот за природни ресурси на Универзитетот „Гринвич“, утврдила дека бумбарите тренирани со помош на кофеин биле далеку повеќе заинтересирани за опрашување на цветовите чиј мирис бил ист на оној на кој претходно биле изложени во гнездото. Научниците тврдат и дека експериментот нема влијание на животниот век на бумбарите.
Ваквиот начин на тренирање на инсектите би можел да помогне да се реши проблемот со недостаток на опрашувачи кој го загрозува опстанокот на земјоделството во делови на светот.
Проблемот на опрашувачите со години го загрижува Европскиот парламент. Бараат поамбициозно следење на опрашувачите на ниво на цела ЕУ со јасни цели и показатели.
Извор: jutarnji.hr
