Најмногу дожд изминатите 24 часа наврна во Крива Паланка – 39 литри на квадратен метар и Виница – 26 литри на квадратен метар, а најмалку во Лазарополе – 4 и Маврови Анови – 1 литар на квадратен метар.
Утрово најстудено е на Попова Шапка, каде што се измерени -3 Целзиусови степени, а најтопло во Гевгелија со измерени 8 Целзиусови степени.
Висината на снежната покривка во 7 часот на Попова Шапка изнесувала 31 сантиметар и во Маврови Анови 2 сантиметра.
Денеска, ќе биде претежно облачно, во источните делови со повремен локален дожд во пониските, дожд и снег на повисоките места, а на планините слаб снег. Попладне во западните делови облачноста ќе се намали. Ќе дува слаб до умерен, а по должината на Повардарието повремено засилен ветер од северозападен правец. Максималната температура ќе биде во интервал од 9 до 12 степени.
Во Скопје ќе биде претежно облачно со повремени врнежи од дожд. Ќе дува слаб ветер од променлив правец. Максималната температура ќе достигне до 10 степени.
