Кога купувате еднодневни пилиња, внимавајте на нивната состојба и изглед. Тие треба да бидат суви, a клоаката треба да е сува, чиста, розова. Папочната врвца исушена, целосно затворена и не смее да крвари.
Пилињата треба да бидат стабилни на нозете, со исправен грб. Главата да има добра положба, да не паѓа и да не ја вовлекуваат. Крилјата се цврсто припоени покрај телото. Очите и клунот се сјајни. Пилето обрнува внимание кога нежно го туркате со раката. Нема да се склупчи и да легне. Здравите пилиња се активни, реагираат на дразби, звук и допир, лесно се движат и наоѓаат вода и храна. За брзо да утврдите дали се квалитетни и здрави, превртете ги на грб. Пилињата во добра форма лесно веднаш ќе застанат на нозе.
Првите денови се најчувствителни
Кога ќе ги купите и ќе ги донесете дома, знајте дека првите десет дена се најчувствителни и бараат зголемена грижа. Тие се многу чувствителни на несоодветна температура и прекумерна влажност. Храната треба да биде прилагодена. Подложни се на бактериски и вирусни инфекции.
Просторот треба да биде сув, со добра вентилација и без провев, чист и дезинфициран. Водата и храната треба да бидат лесно достапни, а температурата и влажноста треба да се регулираат. Првиот ден температурата треба да биде до 30ºC, а потоа во текот на секоја недела се намалува за по два-три степени. Преминот треба да биде постепен за да не предизвика стрес. На крајот на првата недела, температурата треба да биде 28ºC. Постепено се намалува за да достигне вредност од 18ºC на 21-от ден. Со користење на вештачка кокошка, ламба, истовремено ќе ја прилагодите температурата и осветлувањето.
Високата влажност е опасност поради подложноста на младите единки на разни болести, особено кокцидиоза. Во првите денови влажноста на воздухот се движи од 65 до 70 отсто, а потоа се намалува на 55 до 60 отсто. Нема да им одговара премногу сув воздух бидејќи ќе реагираат со консумирање повеќе вода и помалку храна.
Помали оброци
Храната се дава 12 часа по изведувањето. Најмногу им одговараат оброците на база на пченка и просо. При првиот оброк им се дава петпроцентен раствор на гликоза. Од вториот ден може да им се даде јачмен, мелена овесна каша до соодветната гранулација. Подоцна им се додава и растителна храна: варен компир, морков, коприва, глуварче, зелен кромид.
Оброците треба да бидат помали и да се даваат во текот на 24 часа. Вкупно треба да има до осум оброци. Водата е на собна температура, чиста. Најдобро е да проврие и да се излади. Во водата се додаваат специјални витамински додатоци.
Напишете коментар