Во организација на „Слоу Фуд Македонија“ и со поддршка од СН Осигурителен брокер, на 3 и 4 декември 2021 година, од 16 до 23 часот, ќе се одржи Винскиот салон Битола, Slow Wine 2021.
Ќе бидат претставени 30 винарии, 5 дестилерии и 10 производители на деликатесни производи.
Во сабота на 4 декември Офицерскиот дом Битола за првпат ширум ќе ги отвори вратите за сите кои го негуваат култот кон виното, производители и љубители на овој божествен пијалак и ќе се претвори во своевиден „храм на виното“.
Ова е еден од првите јавни настани кои ќе се одржат по реконструкцијата и пуштањето во употреба на Офицерскот дом во Битола и претставува извонредна можност да се почувствува неговата убавина и амбиент збогатен со содржините од програмата на Slow Wine 2021: Вински салон Битола.
Влезници за настанот можете да набавите и онлајн: https://mktickets.mk/event/swbt/
