Фармерите од задруга во Долна Австрија (MGN), добавувачи и косопственици на млекарницата NÖM, одлучија да ја прекинат испораката на млечни производи до малопродажниот ланец Спар во Салцбург бидејќи преговорите за цената завршија без прифатливи резултати, објави Австриската радио и телевизија.
Во понеделникот, NÖM, инаку втората по големина млекарница во Австрија, почна да ги суспендира сите испораки на Spar, пренесува Agrarheute. Оваа млекарница со седиште во Баден е во сопственост на 65 отсто на Рајфајзен-Холдинг и 35 отсто на задругата, чии кооперанти доставуваат сурово млеко.
Во позадината на прекинот на снабдувањето е барањето на задругата за поправедна надокнада за нивните околу 2.200 земјоделци од Долна Австрија, Источна Штаерска и Градишче, кои главно работат како семејни фарми. Директорот на млекарницата Леополд Грубер-Доберер истакна дека другите трговски трговски ланци го прифатиле поскапувањето, а Спар одби.
Портпаролката на Спар, Никол Беркман, наведува дека поради падот на цените на добиточната храна и енергенсите не е оправдано поскапувањето на млекото и дека не сакаат да им наметнат повисоки цени на купувачите. Сепак, таа додаде дека се уште се заинтересирани за решение.
Грубер-Доберер го доведе во прашање аргументот на Спар за намалените трошоци, посочувајќи дека трошоците за работна сила и цената на мастите на европско ниво се зголемени, што ги зголемува трошоците за производство на млеко.
Ниту една од страните не дала информации за висината на бараното усогласување на цената.
Извор: Agroklub
