Почитувани земјоделци, како што веќе најавивме ги добивме одговорите на дел од вашите прашања поставени до министерот за земјоделство, шумарство и водостопанство, Трајан Димковски.
Со оглед дека најголемиот број прашања се однесуваа на исплатата на субвенциите за тутун, започнуваме со одговорот на земјоделецот Метин Халили од велешкото село Бузалково:
1.Ме интересира кога ќе започне исплатата на субвенциите за тутун за последната реколта – праша Халили
Според одговорот на министерот Димковски, до крајот на март 2020 година треба да заврши исплатата на субвенциите за тутунот. Субвенциите и оваа година се зголемени според класите и тоа 80 денари за прва класа, 70 денари за втора класа и за сите останати 60 денари.
2. Кире Богоески од Прилеп се интересираше до каде е постапката за јавниот повик за државно земјоделско земјиште од послениот повик.
Од МЗШВ велат дека поради изборниот процес запрена е евалуацијата на понудите за закуп на земјоделско земјиште во државна сопственост. По завршување на изборите ќе се продолжи со постапката за избор.
3Имавме прашање од земјоделец од Битолско за висината на субвенциите за наут (слануток)
За наут (слануток) поддршката е: 12.000 денари по хектар со сертифициран семенски материјал, 6.000 денари по хектар без сертифициран семенски материјал. Доколку земјоделското стопанство има површини од 5 до 50 хектари тогаш поддршката е 14.400 денари по хектар. Напомена земјоделското стопанство мора да го исполни условот да има минимим 0,5 хектари земјоделско земјиште.
4.Миле Ѓуриќ од велешко Иванковци прашува: Ме интересира колку се субвенциите за сончогледот и пченка?
За сончоглед: 12.000 денари по хектар со сертифициран семенски материјал, 6.000 денари по хектар без сертифициран семенски материјал. Доколку земјоделското стопанство има површини од 5 до 50 хектари тогаш поддршката е 14.400 денари по хектар. Напомена земјоделското стопанство мора да го исполни условот да има минимим 0,5 хектари земјоделско земјиште. • За сончоглед дополнителна: 5.760 денари по хектар, но да користи сертифициран семенски материјал и да произведе минимум 1.500 килограми по хектар • За сончоглед дополнителна: 3.000 денари по хектар со сертифициран семенски материјал.
Покачувањето на субвенциите за сончоглед е во интерес на зголемување на површините под оваа култура и договорното производство на сончоглед.
• За пченка: 12.000 денари по хектар со сертифициран семенски материјал, 6.000 денари по хектар без сертифициран семенски материјал. Доколку земјоделското стопанство има површини од 5 до 50 хектари тогаш поддршката е 14.400 денари по хектар. Напомена земјоделското стопанство мора да го исполни условот да има минимим 0,5 хектари земјоделско земјиште.
5.Мирсат Усаини – прашува дали за младите земјоделци пчелари е предвидено 10% зголемени субвенции за презимени пчелни семејства.
МЗШВ: Да, за младите земјоделци е предвидено 10% повисоки субвенции за презимени пчелни семејства.
Почитувани земјоделци, продолжуваме и натаму со одличната соработката со Центарот за комуникации на Министерството за земјоделство, шумарство и водостопанство кои се целосно отворени за вашите прашања, сугестии и дилеми.
Има уште прашања за кои очекуваме одговор од останатите институции кои ќе ги објавиме штом ќе ги добиеме.
Во меѓувреме продолжете со комуникацијата преку Агротим.мк
