Министерот за земјоделство, Арјанит Хоџа беше во посета на Дебар, град со многу природни ресурси и потенцијал за развој на земјоделството.
„Со жителите на Дебар ја посетивме и пумпната станица за наводнување изградена во 70-тите години на минатиот век. Во моментов, таа не е во функција, бидејќи за време на претходните владеачки гарнитури беше целосно уништена.
Оваа станица служеше за наводнување на илјадници хектари земјоделско земјиште во Дебар. Ние како МЗШВ повторно ќе ја вратиме во функција на жителите. За реконструкција на оваа пумпна станица предвидени се средсва во износ од околу 1,1 милиони евра. Обврзани сме да создадеме подобри услови во земјоделството“ – напиша на Фејсбук Хоџа.
