Како што ветив во петокот на состанокот со Иницијативниот oдбор на незадоволни тутунари, дека внимателно ќе го следам целиот процес, за да биде што е можно потранспарентен, денеска бев присутен на откупниот центар на „Сокотаб“ во населбата Драчево, за да ја набудувам проценката на тутун. Комисијата отвори и процени 12 кутии тутун.
При тоа, само во една од спорните кутии беше утврдено дека има грешка при проценката, односно наместо втора класа, беше проценето како од трета класа.
Апелирам до сите учесници во овој процес да бидат трпеливи, бидејќи само на овој начин ќе можеме да ги решиме сите проблеми што ги имаме со тутунот.
Државниот инспекторат секој ден е на терен и ќе постапува согласно законот за евентуални неправилности.
Фејсбук статус на Арјанит Хоџа – министер за земјоделство, шумарство и водостопанство
