Министерот за земјоделство, шумарство и водостопанство Арјанит Хоџа, денеска имаше средба со Постојаната претставничка на UNDP во Република Северна Македонија г-ѓа Нарине Сахакјан, како и со раководителката на портфолиото за животна средина г-ѓа Анита Коџоман.
На средбата беа презентирани студиите поврзани со секторот земјоделство кои се изработени од страна на UNDP, како и презентација на тековните проекти.
Воедно на состанокот беше договорено дека соработката ќе продолжи и понатаму со цел реализација на проекти во земјоделството кои ќе донесат бенефит за земјоделците и ќе ја зачуваат животната средина.
