Семејството Миjковиќ од Осипаоница кај Смедерево веќе дваесет и пет години успешно се занимава со калемење лубеници. Побарувачката е голема, а за два месеци Миланка и Дејан продаваат и до 15.000 садници калемени лубеници.
Покрај редовната работа и грижата за големо домаќинство, вредните сопружници можат да калемат и до 1.500 садници од лубеница на ден. Процесот на калемење е чувствителен и се состои од неколку активности, и секоја од нив е подеднакво важна за успешен процес.
„Лубеницата има многу лош коренов систем и е исклучително чувствителна на голема количина вода и во кореновиот систем доаѓа до гниење. Тиквата има исклучително силен корен и буквално со калемење се добива растение кое има коренов систем од тиквата, а сè друго е лубеница. Самиот процес, до изнесување на нива, трае околу 40 дена“, вели Миланка Миjковиќ.
Побарувачката е голема, а фактот дека Миjковиќ има редовни клиенти со години покажува дека калемите се квалитетни.
„Побарувачката е голема затоа што се помалку луѓе го прават ова. Прво, ова е долг процес. Цена како цена, не е многу повисока, на пример од едно парче од некое цвеќе“, вели Миланка.
„Од ова може да се живее, но ова е работа само два месеци.“, вели Дејан Миjковиќ.
Осипаоница отсекогаш била позната како „село на бостан“. Сепак, многу семејства кои порано одгледувале лубеници сега одгледуваат други култури.
Иако Миланка и Дејан се задоволни и од производството и од побарувачката, засега не планираат да ги прошират своите капацитети.
Тие велат дека за ваков потфат им треба помош од помладите генерации.
Извор: rts.rs
