На прагот на откупната сезона на тутун од реколта 2019 од Сојузот на тутунарски здруженија информираат дека се’ е подготвено за почеток на откупот. Се очекува да се откупат повеќе од 25 000 тони тутун.
-Се’ е подготвено за почеток на откупот, назначени се сите повереници за сите ваги во сите региони и за сите откупувачи. Очекуваме повисока просечна цена затоа што оваа година има подобар квалитет – вели за Агротим, Менде Стомнароски, претседател на Сојузот на тутунарски здруженија.
За очекуваните количества тутун вели дека ќе биде повеќе од 25 000 тони, а почеток на откупот се очекува од 18 ноември до 1 декември.
-Ќе откупуваат 10 откупни претпријатија со кои тутунопроизводителите имаат склучено договори, а субвенциите ќе бидат како лани за прва класа 80 денари, втора класа 70, трета класа 60 денари за килограм – изјави Стомнароски.
