После пет години пауза, денеска во Охрид, се одржа Меѓувладината комисија за трговско-економска и научно-техничка соработка помеѓу Република Северна Македонија и Руската Федерација.
Заедно со претставниците на надлежните институции од македонска и од руска страна беа разгледани можностите за соработка во неколку економски области, односно во делот на трговија, eнергетика, туризам, транспорт, земјоделство, образование, наука и култура, иновации и високи технологии, надворешна соработка.
За поголемиот дел од овие области Комисијата постигна согласност во интерес на двете страни и во следниот период Комисијата ќе продолжи со работа.
Земјоделството зазема значаен удел во вкупниот извоз на Република Северна Македонија во Руската Федерација. Во периодот јануари-септември 2019-та остварен е извоз на земјоделско прехранбени производи во вредност од 21,8 милиони долари, наспроти 15,1 милиони долари истиот период 2018-та година, што претставува зголемување од 44 отсто.
