Од ваквите призори боли душата, дури и возрасни мажи плачат. Меѓумурските пчелари раскажуваат дека нема никогаш да ја заборават глетката која во понеделникот на 9 јуни ја затекнаа во своите кошници со пчели. Во радиус од 8 километри биле отруени неколку десетици милиони пчели. Во регионот Меѓумурје се случи еколошка катастрафа. Дваесеттина пчелари изгубиле повеќе од 600 кошници , што всушност броеле некаде околу 50 милиони пчели.
„Прво помислив на отров. Оваа лаичка претпоставка произлезе од годините поминати во село и со земјоделствот. Отровот би морал да се наоѓа на медоносните растенија. Некој прскал, кој знае со што и бидејќи ветрот оваа недела беше силен, отровот се распрскал на сите страни“. – се обидува да објасни Жељко Трупковиќ и тоа повеќе, како да си објаснува себе си.
Пчеларите од овој крај мислат дека некој многу згрешил, бидејќи „пчелите умираат не загинуваат“. Не сакаат да веруваат дека ова е намерно труење.
Сепак, велат дека земјоделците во тој крај се искусни и дека сите полагаат испит за пестициди. Имаат и серификати, па затоа не може да станува збор за незнаење. „Знаел што прави но згрешил во проценката“ – уверени се пчеларите.
Иако првично се сомневале на произведувачите на компири, бидејќи огромни површини во овој регион се засадени со компири, сепак пчеларите бараат прво криминалистичка истрага, и се борат за тоа да се направи вештачење од центарот во Загреб. Им се јавуваат и пчеларите од Истра, Славонија и т.н кои нудат помош. Ветеринарниот инспектор веќе однел примероци во Загреб.
-Како сега да продолжат – се прашуваат тамошните пчелари. Штетата е направена, свесни се дека ако истрагата не го пронајде виновникот, тешко дека некој ќе ја признае вината. Затоа јавно го молат барем да ја изора затруената површина.
Покрај поедини виновници кои за своето злодело можат и кривично да одговораат, денес целокупното човештво е непријател на своите хранителки-пчелите. Се развиваат пестициди, се сеат монокултури без цвет, се загадуваат воздухот и водата. Алчноста предизвикува климатски промени , а тие за пчелите е фатални.
Повеќе на следниот линк – Јутарњи.хр
