Поради масовниот помор на пчелите што се случи минатата недела во областа Меѓумурје во Хрватска, тамошниот градоначалник Матија Посавец прогласи елементарна непогода. Причинaта за ваквиот масовен помор на пчелите дополнително ќе се истражува од страна на ветеринарни инспектори и форензичари.
Од Меѓумурската општина известуваат дека веќе е одржан состанок со пчеларите заради превземање на понатамошни чекори. На состанокот присуствувале и претставници на полициската управа и претставници на тамошната земјоделска советодавна служба.
Истакнато е дека со лабораториски анализи ќе се утврдуваат причините за овој катастрофален настан. Исто така Заводот за јавно здравство ќе направи испитување на медот, додека Заводот за фармакологија и токсикологија на Ветeринарниот факултет во Загреб ќе ја утврдува причината, односно ќе испитува дали ваквиот помор на пчелите настанал поради некоја болест. Исто така ќе се прави анализа дали ова ќе има влијание врз здравјето на лугето.
Потоа тамошната полиција и надлежните служби ќе постапуваат во согласност со добиените резултати.
Од општината потенцираат дека им пружиле максимална поддршка на пчеларите со цел побрзо да се санираат штетите и да се заштитат останатите пчели.
Извор: Агроклуб
