Мартин Стојменов, носител на земјоделското стопанство кое ја управува семејната фарма во с. Виничка Кршла е корисник на мерките поддршка на млад земјоделец и набавка на педигриран добиток.
„Се занимавам со земјоделство откако знам за себе. Одгледувач сум на крави и имам сопствена земја и дел од државна земја под концесија. Добив гранд од 20.000 евра за млад земјоделец и за набавка на сточен добиток со педигре.“, вели младиот Мартин.
Преку мерката 115 Млад земјоделец, набавил вертикален миксер за преработка на слама и сено, линија за сточна храна со мешалка, лактофризер, млин и приколка.
Преку мерката за набавка на педигриран добиток со поддршка од 811.734 денари набавил 12 стелни јуници.
„Ги повикувам сите земјоделци да ги искористат мерките кои ги нуди државата бидејќи тие се од голема важност за земјоделците и сточарите.“, вели Мартин.
