Марјанчо Арсов, магистер на земјоделски науки Агроекономика, повеќе од 25 години се занимава со пчеларство и е еден од членовите на Меден Исток со најголемо искуство, кој истовремено е едукатор за сертифицираната програма „Пчелар за основно пчеларство на одржлив начин“.
Марјанчо заедно со неговото семејство одгледуваат околу 200 пчелни семејства на 3 пчеларници во околината на с. Пишица и с. Ратавица.
„Нашето одгледување на пчели е насочено кон искористување на природните услови и потенцијали на регионот за добивање на повеќе пчелни производи: мед, прополис, пчелин восок, полен, матичен млеч, пчелин отров, матици и нуклеуси. Нашиот труд и посветеност кон пчеларството се потврдени и наградени со повеќе медали и сертификати од реномирани институти на меѓународно оценување за квалитет на мед и пчелни производи.“
